Jorrit de Klerk is in Fryske skriuwer, ferhaleferteller en senarist út Harns. Hy wennet yn Fryslân mei syn frou en twa soannen en skriuwt foaral spannende ferhalen binnen de sjenres fantasy, sciencefiction, aventoer en mystearje.

Al fan jongs ôf oan wie er fassinearre troch ferhalen en sciencefiction. Yn ‘e rin fan ‘e jierren publisearre er ferskate koarte ferhalen yn tydskriften en ferhalebondels. Syn wurk foel geregeld yn de prizen. Yn 2023 wûn hy de prestizjeuze Harland Award, de wichtichste Nederlânsktalige wedstriid foar fantasy – en sciencefictionferhalen, mei it ferhaal Het meisje van de duizend onderdelen.

Yn 2019 makke De Klerk syn romandebút mei de sciencefictionroman Revolte, it earste part fan de rige De Zwijgende Aarde. Dêrneist skreau er mei oan ôfleveringen fan de jeugdrige Broodje Aap fan KRO-NCRV foar NPO Zapp.

Yn 2024 ferskynde syn earste jeugdboek, De Friese mummieroof, in spannend aventoer ynspirearre op de ferneamde mummies fan Wiuwert. It boek ferskynde sawol yn it Nederlânsk as yn it Frysk en bringt in bysûnder stikje Fryske skiednis ta libben foar jonge lêzers.

Mei syn ferhalen kombinearret Jorrit de Klerk spanning, ferbyldingskrêft en in sterke bân mei Fryslân. Dêrmei wit er sawol jeugdige as folwoeksen lêzers mei te nimmen nei ferrassende wrâlden, ticht by hûs én fier dêrbûten.